ازاى تبقى رذل فى المواصلات

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول
وصلنا عشان يصحى مخضوض
لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخد وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

--------------------

trying to forgetting someone u loved
like trying to remember someone u don`t know

أحـــ جدا - واعرف ـــ ان ـــ الطريق ـــ الي ـــ المستحيل ــ
طويلــــ بكٍْْ

دى مش رذاله بس يا مها....لا دى غتاتة
عارفة لو حد عمل معايا كده بالذات فى المواصلات
انا ممكن اعمل معاه اللى عمرى ماكنت افتكرأنى ممكن أعمله
لو عايز تبقى انسان فى المواصلات...أوعى تسمع كلام فراشة المنتدى

امه داعية عليه اللى هيركب معايا بكره

ههههههههههههههههههههههههههههههههههههههههههه سمر

اه ديه العيله كلها دااعيه عليه مش ما مته بس

هههههههههههههههههههههههههههههههههههههههههههههه
هههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

كده احتمال الاتوبيس يجيلو شلل

واحتمال الشارع الى فيه الاوتوبيس كمان يتشل

مها احييكى على اسلوبك الساخر والجميل والى بتوصفى بيه حال بعض الناس والى للاسف بقيوا كتير اوىىىى

برافو عليكى

ربنا يخليك يا عز بس الناس ديه بقيت معذوره

ازاى تبقى رذل فى المواصلات Moz-screenshot