احلي شــــباب
اهلا بيك في منتديات ليون كينج وننتظر اشتراكك معانا

احلي شــــباب

منتدي احلي الشباب
 
الرئيسيةالبوابةس .و .جدردشه ليون كينجبحـثالأعضاءالمجموعاتالتسجيلدخول

شاطر | 
 

 الإنسان قبل الحب و عند الحب وبعد الحب

اذهب الى الأسفل 
كاتب الموضوعرسالة
maha
مديــر المــوقع
مديــر المــوقع
avatar

عدد الرسائل : 2113
السٌّمعَة : 0
نقاط : 180
تاريخ التسجيل : 28/04/2008

مُساهمةموضوع: الإنسان قبل الحب و عند الحب وبعد الحب   الجمعة نوفمبر 21, 2008 10:48 pm

أكيد معظمنا إن مكنش كلنا مرينا بقصص حب في منها اللي فشل وأنتهى وفي منها اللي أستمر
وكل حد فينا أكيد أتغير عشان خاطر الحب ده
وده بسبب:

إن الإنسان قبل الحب شيئ
وعند الحب شيئ
وبعد الحب شيئ تاني خالص

في ناس قبل الحب( شيئ)
وعند الحب (كل شيئ)
وبعد الحب (لا شيئ)

اللي عايزة أعرفه منكم إنت كنت أيه قبل ماتحب؟
وبقيت ايه وأنت بتحب؟
وبعد حبك بقيت أيه؟


أيه اللي أتغير فيك من خلال المراحل التلاتة؟!!!

ولو تسمحولي أحب أبتدي بنفسي:
أنا واحدة كنت (قبل الحب) عايشة لنفسي وسط عيلتي مكنش في أي حاجة بتشغل بالي كنت بخرج وبروح وباجي زي أي واحدة في سني كنت بتحمل مسؤلية نفسي وبس.

(وعند الحب) أتغيرت
اوي ,أتغيرت لنفسي وبنفسي محدش طلب مني ولا أتغيرت عشان خاطر البني أدم
اللي انا مرتبطة بيه طلب مني أتغير, عشان أنا أصلا مش مقتنعة بأني ممكن
أتغير عشان خاطر حد ,أنا لما أتغيرت أتغيرت لنفسي
ولما أتغيرت, في حاجات أتغيرت فيا للأحسن وفي حاجات العكس ,حسيت أني في
حاجات كتير فيا غلط مكنتش باخد بالي منها ويمكن أولها أني لما بتنرفز على
حد صوتي بيبقى عالي أوي ,وطبعا مافيش أي ولد يستحمل أن بنت تعلي صوتها
عليه ,بصراحة حاولت كتير أقلل من الموضوع ده بس منكرش أني مقدرتش هو قل بس
متمحاش.
تاني حاجة أني بقيت بعمل حساب كل كلمة بقولها وطبعا ده مش دايما بس
غالبا,حاولت أبقى أهدى,أعقل,حاجات كتير أوي لو قعدت أتكلم فيها مش هخلص.
ومن الحاجات اللي بجد أنا بندم أني عملتها ومش ناوية أكررها تاني أني كنت
ممكن أجامل حد لمجرد أني مزعلش البني ادم اللي انا مرتبطة بيه, وأنا عمري
ما كنت بوشين ولا عمري نافقت حد بس بأمانة مش ناوية أكرر الموضوع ده تاني
أبدا.

(وبعد الحب)أنا أصحابي اللي عاشوا معايا التلات مراحل دول في حياتي هما اللي عرفوا أنا أتغيرت أد أيه
يمكن أول حاجة أتعلمتها أني أبطل فضول شوية و محاولش أطلع الكلام من اللي
قدامي , وأنه الكلام لو أتقال لوحده هيبقى ليه طعم تاني كفاية أنه هيقول
الكلام ده أو هيحكيلي مشاكله لمجرد أنه عايز يقوله وعايزني أشاركه في ده,
مش عشان أنا عايزة أعرف أيه اللي بيحصل في حياته.
بقيت بفكر في الأمور بمنطقية شوية,ومابجيش على نفسي عشان خاطر حد.
يمكن كمان أتعلمت أني مسمعش نفسي وبس,لأ لازم كمان أسمع اللي حواليا لعل وعسى يكونوا شايفين حاجة انا مش شايفاها.

يا جماعة في الأخر أنا عايزة أقولكم أن الحب فرصة عشان الإنسان يبقى أرقى وأحسن وأجمل
الحب مش أكتر من مجرد تجربة بتطلع الإنسان من وحدته وتقدمله الحياة بشكل تاني كإنه إتولد من جديد
الحب يا أبيض يا أسود مافيش وسط
الحب إرادة وصدق مع النفس قبل ما يكون صدق مع الطرف التاني

أخيراً الحب أسطـورة تعجـز البشريـة عـن إدراكهــا إلا لمن صــدق في
نطقهــا ومعناهـــا


ولكن ما يقلق العاشقين فقط هـــو : احتمال أن تكـون الأقـدار تخبئ لهـم
فُراقـاً لم يكن في حسبــان أي منهــم

نفسي أشوف مشاركتكم و أكيد هنستفيد من بعض
منتظرة أرائكم وتجاربكم
وياريت اسمع إجابتكم

[center]كنت أيه قبل ما تحب؟
و أنت بتحب بقيت أيه؟
وبعد ما مريت بالحب اللي أتغير فيك؟


===========================

[/b] [/size]
ولا حاسس بالأمان..... ولا حاسس بالزمان
وداع الدنيا بعدك بقيت مستعجله
أحلام مفيش أحلام .....نسيان مفيش نسيان
وكرهت العمر بعدك مش قادر أكمله

أنا عايش مستنيك بقلبي..... وحياتي واقفة عليك
وعمري وعنيا بيسألوني..... إمتى هيشوفوك؟

أنساك على أد مقدر..... ألاقيك توحشني أكتر
وأمنع تفكيري عنك..... ألاقيني فيك بفكر


mahaaaaa[
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميرنا العسوله
عضو جديد
عضو جديد


عدد الرسائل : 3
العمر : 25
السٌّمعَة : 0
نقاط : 4
تاريخ التسجيل : 21/12/2011

مُساهمةموضوع: رد: الإنسان قبل الحب و عند الحب وبعد الحب   السبت ديسمبر 24, 2011 8:11 am

انا قبل الحب كنت عايشه حياتى زى م أنا شيفاها
وقت م كنت بحب حياتى اتغيرت اوى للأأحسن بصراحه لانه كان انسان رقيق كان بحافظ على مشاعرى بس القدر اللى خلانا نتفرق بعد الحب رجعت زى م انا اتعلمت الانانيه اوى بقيت كرها كل الناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الإنسان قبل الحب و عند الحب وبعد الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلي شــــباب :: قسم حب * حب :: منتدي احلي حكايات الحب-
انتقل الى: