امتا حسيت بالوحده؟؟؟؟؟؟؟؟؟؟

كل واحد فينا بيجيلوا وقت بيحس فيه بغربه او وحده زي ما بيقولوا ..

يمكن البعض بيحس لفتره كبيره انه وحيد ومن غير سبب يمكن عشان بقاله فتره ان

اقرب الناس ليه بعيد عنه ومشغول عنه ودايما يقله معلش استحملنى

او انه حس بملل ومفيش جديد

بالتالي بيعتزل حتي يصبح وحيدا ويشعر باحساس الغربه

طيب امتي اكتر وقت حسيت فيه بالوحده ؟

لما بتبقي اعد بليل لوحدك واهل بيتك كلهم نايمين ؟

ولا حتي واهل بيتك صاحيين وجنبك بس انت برضو حاسس بالوحده ؟

تفتكروا الاحساس بالوحده هو انك تفضل لوحدك وحيد وبس

ولا الاحساس بالوحده لما تحس انك وحيد في افكارك

ومفيش حد يفهمك ولا حد عارف يستوعب مشاعرك

او يستوعب افكارك او مهتم بيك ؟

امتي بتحس بيها ؟ لما تحس انك زعلان ومخنوق من موقف معين ومش لاقي حد جنبك في وقتها ؟ ولا لما يكونوا جنبك ومش فاهمينك او مش قادرين يساعدوك ؟

حسيت بالوحده بتسرح مع نفسك تسترجع ذكرايتك لوحدك

وتفتكر احلي ايام عمرك وتبقي نفسك ترجع تاني بس للاسف مينفعش حسيت

ساعتها انك وحيد ومفيش اللي يهون عليك الجديد اللي في حياتك ؟

طيب ولما برضو تسترجع الذكريات المؤلمه وتفتكرها لوحدك برضو حسيت ساعتها بايه ؟

الوحده او الغربه بتكون لما الواحد يتغرب عن اهله في بلد تانيه او الواحده تتجوز واحد وتسافر معاه وتسيب اهلها وناسها ؟

ولا الوحده وهما في وسط اهاليهم ولكن اهاليهم في عالم وهما في عالم تاني ؟

يا اعضاء ليون كنج الوحده امتي بتحسوا بيها ويا تري بتعملوا ايه لما تحسوها ؟

بتخرجوا منها ازاي ولا مبتخروجش وتعيشوا الكئابه ؟

او الوحده بالنسبه للبعض ملذه يعني فيه ناس بتحب تفكر لوحدها ومتشاركش حد في افكارها بس هيا دي الوحده بالنسبه للناس دي بس ؟ في الوقت ده بس يعني ولا امتي بيحسوها بجد وبتضاقيهم ؟.

انا بتكلم عن الوحده اللي كتير مننا ممكن يكون عايشها بتضايق وتكئب


امتي بتحسوها وازاي بتتغلبوا عليها ؟؟؟؟؟؟؟؟؟

سؤالك صعب جدا عليا كان ممكن يكون سهل لو قلتيلى امنتا محسيتش بالوحده لان فى حياتى كلها احساس واحد بس هوا احساس الوحده ونادر جدا لو انى كنت نسيت الاحساس ده لو دقيقه او انى محسيتش بيه