شكوه من أم

موضوع: شكوه من أم الأحد نوفمبر 22, 2009 10:54 pm

شكوه من أم

النهارده أنا عندي شكوى ،، ومصر اللي بتشتكي دي حقيقة مش حلم مصر بتشتكي بصفتها أم ،، أم سهرت وربت وشالت حمول شالت الهم مصر النهارده بعتالي شكوه ،، شكوه بحرقه ببكوه ،، بتقول أنا الحضارة والكرم أنا التاريخ أنا القِدم ،، أنا أم كل أصيل كل شهم شجاع ومحترم مصر بتشكي حزينة وغضبانة ،، بتقول أنا مصر أرض الأصالة أرض الكنانة ،، بتقول مش آخرة تعبي ذول ومهانة ،، بتشتكي شكوت أم مذبوحة ،، أم شافت أولادها منكسرين وحزينة ومجروحة ،، شكوتها مش عشان جون وأتحسب ،، بتشتكي لأن الرياضة أخلاق مش حقارة وشغب ،، غضبانة لأن محدش قال كده عيب ،، غضبانة لأن اللي حصل ده قلة أدب ،، مستغربة أزاي أخ يهين أخوه ،، نتهان من أشقائنا العرب ،، بتقول أزاي أخ يضرب أخوه ،، والإخوة أغلى من كنوز الأرض أغلى من البترول والذهب ،، مش وقت شعارات وكلام وملام ولا مين السبب لكني بسأل مين اللي حط البنزين على النار ،، مين اللي وحول عروبتنا لأخشاب وحطب ،، بسأل كل ضمير عربي دم عربي ،، اللي حصل ده رجولة ولا قلة أدب ،، مش عايز أغلط ولا أغضب ولا عايز أشتم ولكني محروق من جوايه ومش عارف أزاي في أعصابي متحكم ،، أنا بترجاكم فهموني أنا نفسي أعرف أيه السبب ،، مين اللي بث الفتنة فينا وغشنا ضِحك علينا ،، فتنا بحجة حقيرة في صورة كٌرة قدم ،، مين اللي سلط الأخ على أخوه ،، بسببها ضربوا بعض وحرقوا العلم الجزائريون حرقوا علم مصر الوطن الغالي ،، الوطن اللي عمره ما انكسر لحد ،، اللي دائماً ومش بمزاج حد لا ده غصب عن أي حد بيرفرف في العالي ،، مصر اللي عمرها ما نامت يوم واحد وبالها خالي اللي طول عمرها واقفة مع كل الناس اللي عمرها ما قالت يوم أنا مالي اللي تملي شايله هموم العرب ،، اللي عايش مرتاح واللي بيته أتخرب صهرانه تحادي فيهم وتدادي ،، وعلشانهم قالت لا أخواتي ودفعت التمن غالي ،، بدم أبنائها شهدائها عملت لهم سعر ،، ومش أي سعر .. لا ( ده سعر غالي ) ،، مصر التاريخ والحضارة ،، أرض الكنانة أرض الطهارة ،، مصر الطيبة الطيوبة الحبوبة ،، معني الطيبة رمز العروبة مترضاش لرجل من رجالها تصيبه طوبه ،، مش كل عيل يعمل فتوة ،، لا حاسب عندك أنت وهو ،، أيه خلاص مبقاش في أخويه ،، بقينا خلاص في زمن العصبجية ،، فوق يا أبو فليق يا خرفان متسمعش لرابح سعدان ،، ده قرد في صورة إنسان ،، حول شعبك من بشر لثيران يشوفوا اللون الأحمر يهيجوا يجيلهم جنان ،، وصدقني لو مشيت ورآه أنت الخسران ،، قول له ما تعمل فيها شجيع السيما عم الشجعان ،، لأنه مش على حسابنا مش على حساب مصر فوق بقي من الجنان ،، تذكر المصري في حرب الكرامة في لحظة العبور على خط بارليف وتراب سينا ،، اللي ارتوى بدمي بدم أخويه وأبويه وعمي وباقي أهلينا ،، الأبطال اللي حلفنا بدماهم لتعود وف " 6 " ساعات كانت في بين أيدينا نمت وصحيت على حلم مخيف ،، صعبت علي نفسي تضايقت بكيت في حلمي شفت مصر جايه تشكي ،، جت على شكل حمامة سلام صوتها ضايع مش قادرة ع الكلام ،، بتقولي الحق يا أبني أخواتك هانوا بعض سبوا بعض وحرقوا الأعلام ،، أتفزعت قومت نطيت ،، من كتر خوفي راسي خبطت في الحيط ،، صحيت من نومي مفزوع ،، مش شايف ولكني حاسس بجرح نازف من تصرف الجزائر في السودان ،، مش شايف ولكني حاسس بجرح نازف وأبناء النيل على أرض النيل بتتهان ،، مش شايف ولكني حاسس بجرح نازف وابن مصر من فقره هارب من وطنه ضايع متشرد بين الاوطان ،، مش شايف ولكني حاسس بجرح نازف وأنا شاب كرامته مجروحة ومن أخويه العربي أتخدِع وأتخان ،، مش شايف ولكني حاسس بجرح نازف وبصرخ بأعلى صوتي وأقول مين اللي علم شعب المليون شهيد يظهر في صورة جبان ،، مين اللي علم الناس دي الكلام ،، ومين اللي خلي جفونهم تغفل وعيشهم في سلام ،، هي كلمة وباختصار ،، إحنا شعب مصر اللي طول عمرنا أحرار ،، إحنا أبناء النيل الشطار ،، إحنا نسور الجو ،، ووحوش البر وحيتان البحر ويشهد علينا خط النار ،، إحنا المصريين يا زمان رافعين رؤوسنا في كل مكان ،، وهتفضل مرفوعة علي مر الزمان إحنا خير أجناد الأرض بشهادة خير الأنام ،، بشهادة نبينا المصطفي عليه الصلاة والسلام ،، وعمرنا ما نترك ثأرنا لحد ،، شعب حُر أباً عن جد لو الجزائر بلد المليون شهيد ،، إحنا طيبين آه جنينين آه ولكن ساعة الغضب نفوت في الحديد ،، إحنا اللي بنظرة غضب من عيونا نحرقها بلاد ،، وبدفء قلوبنا شموع تقيد ،، إحنا اللي دم الملايين من أبطالنا وشهدائنا سالت ،، وطالما ورآنا هم اسمه العروبة لسه هتزيد ،، دي شكوه لكل من قال مصر أمي ،، عاتبه عليك يا عربي يا ابن عمي بتقولك دم أولادي ده دمي ،، وبتقولكم أنتم أخوات كبار وصغار أولاد وبنات ،، ويا ويل اللي يتطاول على أخوه ،، ويخسر وطنه يتشرد في العالم يتوه ،، ويوقع في أيدين كلاب السكك يكلوه ،، حزن وهم في شكوه أم .....