احساس مواطن بالظلم
وانت ياريس الى ظالمه
احساس بالحقد
وانت الى راسمه
موتك هيريح قلوب
وهيغير بنود
وعايزين مكانك راجل
يحكم زى عبد الناصر
ونجاد واقف قدام الامريكان
واسرائيل حالف ليضربها
اما انتا قرطاس لب ليهم
وجيوب الشعب اول باول بتنفضها
مش خايف منك لانك جبان
مفيش منك غير لسان
ودايما عايش باللبان
زى النسوان
مش هامك طفل عيان
او بيت جعان
شغال تسرق وتقسم
ومش هامك ان مالك كله حرام فى حرام
وبصراحه بقولها
انت احسن من بن الخطاب
بن الخطاب كان بيخاف من ربنا
وانت مش هامك حد
بتسرق كام مليون مننا
من السبت للاحد
بقولها وانا مسؤل عن كلامى
يا مبارك انت اكبر حرامى
شعبك كله بيقول كدا
بس بلطجيتك هما الى مخوفينهم
قولى يوم ما تدخل قبرك
هتسئل نفسك انت فين
وفلوسك فينهم
اتقى الله وتوب
مع انى عارف ان امثالك مفيش رجا منهم
وكلمه بقولها بلسان ايرانى
انت اقذر من الشباب الشهوانى
وبلسانى المصرى
انت عار على اى عربى
حتى المواطن العربى قلهالك دربك غير دربى
انت مش حاسس بالى انت فيه
ولا ضميرك رميته فى المعتقل يا بيه
زمان كلنو يقولوا لخدام السلطان ياباشا وانت ابو البشوات
والكلب كانوا يسموه بيه يا بيه
عيش لحد ما تشوف الموت
ما وقت الموت مافيش تحقيق امانى
ونهاية الكلام بعيد من تانى
ده مش كلامى
ده احساس مواطن
حاسس بالظلم
وانت ياريس الى ظالمه
.....................قاموس الحب..................
موضوع: احساس مواطن 
الخميس أكتوبر 16, 2008 7:45 am
